Gjykata e Posaçme ka dënuar me 38 vite e 6 muaj burg të akuzuarit e dosjes “Metamorfoza”.
Mësohet se GJKKO ka vendosur dënimin me 10 vite burg të Edmond Prekës, ndërsa Behar Bajri është dënuar me 13 vite burgim.
Por të pandehurit do të përfitojnë ulje të dënimit për shkak se gjykata ka pranuar gjykimin e shkurtuar. Bajri do të dënohet përfundimisht me 8.8 vite burg. Ai akuzohet edhe për korrupsion ndaj gjyqtarëve.
Ndërsa Oltion Bistri ka dalë i pafajshëm për akuzën e pastrimit të parave dhe korrupsionit. Ndërsa vendimi për Pëllumb Gjokën dhe Ardit Hasanbegajn do të jepet më 2 dhjetor.
Vendimi
Pëllumb Gjoka- vendimi do jepet më 2 dhjetor pasi avokatët e tij nuk kanë bërë mbrojtjen
Edmond Preka- 10 vite burg, me gjykim shkurtuar zbret në 7 vite, burg i sigurisë së lartë
Behar Brajovic (Bajri)- 13 vite burg, me gjykim shkurtuar zbret në 8.8 vite, burg i sigurisë së lartë
Astmer Bilali- 8 vite e 6 muaj, 5.8 me gjykim të shkurtuar, burg i sigurisë së lartë
Ardit Hasanbegaj- vendimi do jepet më 2 dhjetor pasi avokatët e tij nuk ka bere mbrojtjen
Xhevair Lita– 5 vite burgim, me gjykim shkurtuar zbret në 3.4 vite, shuarje e masës “arrest në burg”, lirim i menjëhershëm për shkak se e ka shlyer dënimin
Oltion Bistri- Shpallet i pafajshëm për akuzën e korrupsionit dhe pastrimit të parave, fajtor për “zbulim të akteve ose të dhënave sekrete”, dënohet me 2 vite. Shuarje e masës “arrest me burg” dhe lirim të menjëhershëm.
