“Objektivat do të arrihen, pavarësisht nga ndihma ushtarake për Ukrainën nga Shtetet e Bashkuara dhe Perëndimi”. A janë këto fjalët e Vladimir Putin? Sekretari i Këshillit të Sigurisë Kombëtare Ruse, Nikolai Patrushev, foli sikur të ishte Car, apo sikur Vladimir Putin ta kishte caktuar pasardhësin e tij dhe që tani ai i ka filluar përgatitjet si do të drejtojë.
Kush është “skifteri” i Putinit
Përpara pushtimit të Ukrainës, Patrushev ishte i pranishëm në dhomën e pushteteve të Kremlinit, siç raportoi Washington Post. Miqtë dhe aleatët që nga ditët e Kbg-së, përveçse kanë një ndikim të fortë te Putini, hipoteza se ai mund të jetë vërtet pasardhësi nuk është e largët. “Detyra jonë është të mbrojmë integritetin territorial të vendit tonë dhe të mbrojmë sovranitetin e tij”, deklaroi sekretari duke folur për kohët e Luftës së Ftohtë. Por pikërisht nga 24 shkurti i kaluar, dita e parë e pushtimit, Patrushev ka qenë drejtori okult i lëvizjeve të Carit.
Patrushev, njeriu misterioz pas Putinit
Nuk është çudi që amerikanët kanë publikuar provat e shumta të mbledhura me titullin “Njeriu që ka veshin e Putinit”, që njeh dinamikën dhe prapaskenat e asaj që po ndodh në Kremlin por që arrin të kuptojë edhe lëvizjet e Putinit. Nuk është për t’u habitur, ai është kandidati numër një kur Cari do të vendosë të tërhiqet. Megjithatë, këto “fuqi” të tij nuk u zbresin besnikëve të Putinit”, tha për Washington Post Dmitry Peskov, zëdhënës i Kremlinit.se Patrushevi nuk ndërroi asnjë rol, kush foli kështu gaboi dhe “shpiku”. Në të njëjtën gjatësi vale ishin edhe deklaratat e Yevgeny Anoshin, zëdhënës i Këshillit të Sigurimit, i cili mohoi ambiciet e Patrushevit si kandidat presidencial. “Ai është një aktor shtetëror që i është përkushtuar Federatës Ruse dhe Putinit për shumë vite.”
Ngritja e Patrushev
Asin e Patrushevit e shkaktuan indirekt edhe thashethemet për gjendjen shëndetësore të Putinit, për të cilat është thënë gjithçka dhe jo vetëm. Kremlini e ka mohuar gjithmonë, por një kokërr të vërtetë, më shumë se një bazë, është logjike që ka dhe provat janë shumë të shumta. Sekretari rus foli gjithashtu si lider kur iu desh të mbronte Kaliningradin, enklavën ruse, duke kërcënuar me hakmarrje “serioze” për bllokimin e furnizimeve tranzit përmes Lituanisë për sanksionet e vendosura nga Bashkimi Evropian. Disa ditë më parë ai mori pjesë në një samit të sigurisë në Lindjen e Largët Ruse duke folur për sigurinë energjetike dhe duke kërkuar që “të reduktohet pjesëmarrja e huaj në projekte të rëndësishme për sektorin energjetik rus”, si dhe duke deklaruar se Rusia do të arrinte qëllimin e saj për “çmilitarizimin e “Ukrainës.
“Baza e vendimeve të tij”
“Idetë e tij përbëjnë bazën e vendimeve të Putinit. Ai është një nga figurat e pakta që Putini dëgjon,” tha Tatiana Stanovaya , themeluese e konsulencës politike ruse R. Politik. Intervistat dhe udhëtimet e Patrushev tregojnë se “kjo është ajo që ai lejohet të shpjegojë dhe sqarojë mendimet e Putinit,” shtoi Andrei Kolesnikov, një gazetar rus nga Carnegie Endoëment for International Peace në Moskë. “Jo të gjithëve u lejohet ta bëjnë këtë. Jo të gjithë e dinë”. Së fundi, konsiderata edhe e Mark Galeotti, profesor nderi në Shkollën e Studimeve Sllave dhe të Evropës Lindore në Kolegjin Universitar të Londrës, sipas të cilit Patrushev ka qenë prej kohësh “djalli mbi shpatullën e Putinit duke i pëshpëritur helm në vesh”.
Detaje të tjera nga Patrushev
Si kreu i Këshillit të Sigurisë së Rusisë, Nikolai Patrushev luan rolin jozyrtar të këshilltarit për siguri kombëtare të Putinit. Një oficer me karrierë i inteligjencës, ai e njeh Putinin që nga vitet 1970, kur të dy punonin së bashku në zyrën e KGB-së së Leningradit, tash Shën Petersburgu. Më vonë ai pasoi Putinin si kreu i FSB-së dhe tashmë që nga viti 2008 është në krye të Këshillit të Sigurisë. Patrushev gjithashtu është akuzuar për miratimin e një sërë atentateve dhe operacioneve të paligjshme. Një hetim i bërë nga Britania e Madhe në vitin 2016, zbuloi se “operacioni i FSB-së për të vrarë (Alexander) Litvinenkon mund të jetë miratuar nga Patrushev”. Burime diplomatike për The Guardian kanë thënë se operativët rusë, që me anë të një puçi, u përpoqën për të rrëzuar Qeverinë e Malit të Zi në vitin 2016, u lejuan të largoheshin nga vendi me aeroplanin e Patrushevit.
