Donald Trump tha se ka zhvilluar një “bisedë të shkëlqyer” me presidentin rus Vladimir Putin dhe se udhëheqësi i Kremlinit dëshiron të arrijë një marrëveshje.
“Patëm një bisedë të shkëlqyer. Ai dëshiron të bëjë një marrëveshje. Nëse Zelensky do të dëshironte të bënte një marrëveshje, do të ishte diçka e mirë”, u tha Trump gazetarëve.
Presidenti amerikan i bëri komentet përpara se të hipte në Air Force One për të udhëtuar drejt Dallasit, ku do të marrë pjesë në Konventën Kombëtare Republikane.
Duke folur për vështirësitë në arritjen e një marrëveshjeje, Trump u shpreh se “pengesa është se të dy e urrejnë njëri-tjetrin”, duke iu referuar Putinit dhe presidentit ukrainas Volodymyr Zelensky.
