Portugalia fitoi 3-2 me Ganën në ndeshjen e parë për këto skuadra në grupin H të Botërorit 2022. Ndeshja në Doha prodhoi pesë gola, teksa ka qenë e luftuar në pjesën e dytë. Të gjithë golat u shënuan në 45 minutat e dyta, teksa për luzitanët shënoi edhe Ronaldo, që vendos rekord duke u bërë futbollisti i parë që shënon në pesë kampionate Botërore radhazi (2006, 2010, 2014, 2018, 2022).
Ndeshja nisi me golin e Ronaldos në minutën e 65 nga penalltia. Më pas Ayew barazoi ndeshjen në të 73 minutë, para se Joao Felix dhe Leao të shënonin dy gola për portugezët në minutët 78 dhe 80. Në fundin e ndeshjes, në të 89 minutë Bukari shënoi për 3-2 duke e bërë fundin dramatik. Në fund Portugalia ia del të marrë tri pikë në ndeshjen e parë të Botërorit, duke marrë kreun e grupit H me tri pikë. Uruguaji dhe Koreja e Jugut kanë nga një pikë, teksa Gana me zero pikë në fundin e grupit.
