Militatët e PD duhet të presin qershorin që të dalin në protesta. Lajmin e dha vetë Sali Berisha, i cili tha se gjatë muajit maj nuk do të ketë më protesta për shkak se është i zënë me garën pa kandidatë në krye të PD dhe Kuvendin Kombëtar.
Berisha deklaroi se dy proceset, zgjedhjet brenda PD dhe Kuvendi Kombëtar janë procese që duan punë të gjerë, por garantoi se në ditët e para të muajit qershor do të rikthehen fuqishëm me kryengritje paqësore.
“Në mënyrën më të fuqishme do vazhdohet me protesta. Por siç e dini nga sot deri më datën 30 janë dy ngjarje të mëdha. Është referendumi për votëbesimin e kryetarit dhe është Kuvendi Kombëtar. Këto janë procese që kërkojnë punë të gjerë. Ndaj të siguroj që ditët më të para të qershorit do jetë kryengritja me paqësore më e fuqishme që ka njohur Shqipëria”, tha sot kreu i PD-së, Sali Berisha para gazetarëve pas daljes nga SPAK.
