Qeveria amerikane ka njoftuar se do të pezullojë lëshimin e vizave për vizitorët nga 75 vende të botës, përfshi edhe Shqipërinë e Kosovën.
Lidhur me këtë vendim që pritet të marrë formën përfundimtare javën e ardhshme, ka reaguar sekretari i Përgjithshëm i PD, Flamur Noka.
Ai shprehet se shkak i këtij vendimi është kryeministri Edi Rama dhe narkoshteti i tij.
Sipas Nokës, kjo është goditja më e madhe në marrëdhëniet shqiptaro-amerikane, teksa thekson se kjo është një gjë jonormale, pasi vendi jonë është edhe anëtar i NATO-s.
“Për shkak të narkoshtetit të Edi Ramës e pësojnë shqiptarët.
Shqipërisë, shtet anëtar në NATO që nga viti 2009, i ndalohen vizat me SHBA.
Departamenti i Shtetit ka ndaluar procedimin e vizave për 75 vende, përfshirë Shqipërinë.
Kjo është goditja më e madhe në marrëdhëniet shqiptaro-amerikane. Edi Rama shkaku je ti.”- ka shkruar Noka.
