Të arrestuarit në Banjskë të Zveçanit, që dyshohet se ishin në kontakt me sulmuesit e Policisë së Kosovës, kanë shtetësi të Serbisë, konfirmoi ditën e djeshme prokurori i Prokurorisë Speciale të Kosovës, Naim Abazi. Ministri i Brendshëm i Kosovës, Xhelal Sveçla, tha se në bazë të hetimeve të deritashme disa nga pjesëtarët e grupit që sulmuan policinë ishin pjesëtarë të “Brigadës së Veriut” dhe “Mbrojtjes Civile”, organizata këto që Kosova i ka shpallur si terroriste më herët gjatë këtij viti. “Nga kjo sasi e madhe e armatimit lehtësisht mund të kuptohet se ka pasur një plan të përfshirjes së qindra personave për destabilizimin e vendit tonë. Në armatimin që do të shihni ndër të tjera ka edhe armë ushtarake të vitit 2021 që janë furnizim nga ushtria e Serbisë”, tha ministri Sveçla. Zoti Sveçla tha se në materialet e sekuestruara janë gjetur dokumente që dëshmojnë siç tha përfshirjen në këtë sulm të nënkryetarit të Listës serbe, subjektit politik më të madh të serbëve në Kosovë. “Në këto materiale gjithashtu kemi gjetur dokumente të kriminelit që është edhe në listën e zezë të Shteteve të Bashkuara Milan Radoiçiç. Dokumente këto që dëshmojnë lidhjen apo pjesëmarrjen e tij të drejtëpërdrejtë në këtë aksion. Kjo është lista e armëve apo lejeve zyrtare të institucioneve të Serbisë dhënë Milan Radoiçiçit, ku janë edhe armët të cilat ai posedon”, tha ministri Sveçla. Zoti Sveçla tha se në materialet e sekuestruara janë gjetur dokumente që dëshmojnë siç tha përfshirjen në këtë sulm të nënkryetarit të Listës serbe, subjektit politik më të madh të serbëve në Kosovë. “Në këto materiale gjithashtu kemi gjetur dokumente të kriminelit që është edhe në listën e zezë të Shteteve të Bashkuara Milan Radoiçiç. Dokumente këto që dëshmojnë lidhjen apo pjesëmarrjen e tij të drejtëpërdrejtë në këtë aksion. Kjo është lista e armëve apo lejeve zyrtare të institucioneve të Serbisë dhënë Milan Radoiçiçit, ku janë edhe armët të cilat ai posedon”, tha ministri Sveçla.
Presidenti serb merr goditjen e fortë
Por jo vetëm kaq. Media “The Geopost” ka zbuluar dje informacione të bujshme. Sipas një burimi të lartë nga Ministria e Punëve të Brendshme (MPB) të Serbisë dikush nga Manastiri i Banjskës ka tradhtuar presidentin serb. “Dikush e tradhtoi presidentin Vuçiç dhe shërbimet e inteligjencës serbe do ta hetojnë këtë”, tha burimi. Sipas tij, Vuçiç është tradhtuar në lidhje me rezistencën në Banjskë. “Të paktën 6 serbë janë vrarë. Aksioni nuk duhej të përfundonte kështu, me këtë bilanc. Kjo e dëmton shumë Vuçiçin dhe institucionet e Serbisë, serbët e Kosovës dhe pozitën e Serbisë në dialog”, ka thënë burimi nga strukturat e sigurisë serbe.
Vuçiç “varrosi veten” të dielën
Nga ana tjetër media kroate “Jutarnji List” shkruan se edhe pse Beogradi dhe Prishtina akuzohen për konfliktet e fundit, ka shumë paqartësi dhe hija e fajit po shtrihet gjithnjë e më shumë drejt Serbisë. Askush nuk beson në spontanitet apo rastësi. Ka ende shumë gjëra misterioze, sepse është e qartë se “sulmuesit” nuk janë civilë të provokuar spontanisht. Dhe Charles Kupchan, një profesor në Universitetin Georgetown dhe ish-drejtor i Çështjeve Evropiane në Këshillin e Sigurisë Kombëtare Amerikane në administratën e Bill Clinton dhe Barack Obama tha se “qartësisht nuk ishte një sulm spontan” dhe theksoi se autoritetet në Beograd “inkurajojnë strukturat paralele dhe pakicën serbe në Kosovë që të jenë besnike ndaj Serbisë, jo Kosovës”, si dhe se “Serbia mban përgjegjësi të konsiderueshme për bllokimin e dialogut dhe shpërthimin e dhunës”.
Roli i Kurtit
Po ashtu, Kupçan thekson se Albin Kurti ka ndërmarrë hapa për “ngritjen e temperaturës dhe polarizimin e marrëdhënieve mes shqiptarëve të Kosovës dhe serbëve”. Ishin persona me uniformë, të armatosur mirë me një mjet të blinduar, të cilët nuk kanë ngurruar të qëllojnë menjëherë mbi policinë e ardhur për të rivendosur rendin në rrugën ku ka dalë një pengesë. Pas kësaj ngjarje, ka më shumë pyetje sesa përgjigje. Duket se avantazhin që e ka Aleksandër Vuçiç arriti të marrë në kohët e fundit para Kutit, tashmë i humbur. Kujtojmë se Kurti është kritikuar si nga Uashingtoni ashtu edhe nga Brukseli për veprimet e tij në muajt e fundit, madje është kërcënuar me sanksione dhe pezullim të kontakteve zyrtare të nivelit të lartë, por tani do të jetë e vështirë t’i besohet Vuçiçit se nuk ka bërë ndonjë gjë për atë që ka ndodhur. Vuçiç deklaron se bëhej fjalë për “serbët nga Kosova” të cilët u provokuan nga sulmet e Kurtit dhe ngritën barrikada.
Mashtrimet e Vuçiçit
Por Nenad Rashiç, ministri për çështjet e pakicave në qeverinë e Kosovës (Beogradi nuk e njeh, sepse ai hyri në qeveri pasi të gjithë ministrat dhe deputetët serbë nga lista e tij serbe u larguan nga institucionet e Kosovës me urdhër të Vuçiqit), pyet veten se si Vuçiç di gjithçka, por nuk ka ditur për ngjarjet në fshatin Banjskë”. Rashiç tha se në punë kishte një lloj formacioni paraushtarak që vepronte në një mënyrë absolutisht jonormale. Sipas Rashiçit, presidenti Vuçiç nuk është në gjendje të shqiptojë asnjë fjali të zgjatur pa qenë gënjeshtra, insinuata dhe manipulime serioze. “Ai thotë se janë serbë të Kosovës që u organizuan, u rebeluan, çfarë do të thotë, a e mbështet mënyrën se si duhet të organizohen një grup i qytetarëve, me gjithë ato pajisje, dmth të përpiqen të bëjnë diçka kundër rendit?”. Rashiç thekson se është “informacion i pakonfirmuar”, por thotë se “besohet se prej disa muajsh ka një kamp rekrutimi ku janë trajnuar, le ta quajmë ilegalisht në kampin afër Rashkës”. “Ka spekulime se janë paguar për këtë, nuk e di kush e ka organizuar, por jam i sigurt se nëse ka një gjë të tillë, organet e rendit dhe ligjit në Serbi do të duhej ta dinin për këtë. Mund të organizohet një gjë e tillë pa strukturat e sigurisë nuk e dinë në Serbi. Thuhet se në ato rekrutime, në ato trajnime ushtarako-policore kanë qenë 300 veta”, tha Rashiq. Disa portale kosovare përmendin se mund të jenë anëtarë të të ashtuquajturit Brigada e Veriut, e cila po stërvitet në Kopaonik.
Pse Vuçiç mund të bjerë?
Përveç kësaj, politologu i Beogradit Dushan Janjiç tha për Al Jazeera Balkans ka folur për grupet kriminale që shkaktuan terror në Veri. “Kjo duhet të sqarohet për hir të Moskës, për të ardhmen e paqes këtu, por edhe për hir të Serbisë, sepse këto grupe kriminale janë nga Serbia, të lidhura me biznesin kriminal në Serbi dhe mund të ndryshojnë qeverinë këtu po ashtu”, thotë Janjiç. Ai nuk e përmend Moskën kot, sepse shumëkush menjëherë shtroi pyetjen nëse në mesin e sulmuesve nga Banjska kishte anëtarë të Wagner-it apo, siç thotë Agim Musliu , drejtori i Institutit Oktopus për Studime të Luftës Hibride nga Prishtina, i cili publikoi një regjistrim audio në rrjeti X me pyetjen “A janë ata rusë në manastir?”, për të cilin informacion u shfaq gjithashtu më vonë. Mirëpo, nuk duhet të anashkalohen pretendimet se bëhet fjalë për një grup kriminal, biznesi i zakonshëm kriminal i të cilit është “ndërprerë” nga një numër i madh i policisë së Kosovës dhe KFOR-it. Kur Vuçiç u pyet drejtpërdrejt nëse e dinte se nga vinin uniformat dhe armët e tyre, ai nuk u përgjigj, por e ktheu të gjithë përmbys, duke sulmuar gazetarin që e bëri atë pyetje. Veç kësaj, është interesante se Vuçiç është takuar menjëherë me ambasadorin rus në Serbi, Aleksandar Bocan-Harçenko , të cilit i ka thënë, siç raporton gazeta e Beogradit, se “Kurti po kryen spastrim etnik brutal në veri të Kosovës me ndihmën e një pjese të komunitetit ndërkombëtar”.
Prapaskenat
Ambasadori amerikan në Kosovë, Jeffrey Hovenier , i cili ka qenë së fundmi një kritik i Kurtit dhe lëvizjeve të tij, tha se “Policia e Kosovës ka përgjegjësi të plotë dhe legjitime për zbatimin e sundimit të ligjit në Kosovë. Autorët duhet dhe do të mbajë përgjegjësi dhe do të vihet para drejtësisë”, ka postuar Hovenier në rrjetin social X. Kjo është veçanërisht interesante sepse në Serbi vazhdimisht këmbëngulin që “policia e Kosovës” nuk ka çfarë të bëjë në veri të Kosovës, ku jetojnë shumica e serbëve, pra Vuçiç dhe ky rast shumë delikat, që mund të quhet “sulm terrorist” tani ai e arsyeton duke thënë se serbët nga Kosova u rebeluan, siç thotë ai, “kundër arbitraritetit të Kurtit”. Aleksandër Vuçiç sigurisht nuk dëshiron që situata në Kosovë të qetësohet, ndërsa Kurti mendon se me përshkallëzimin e konfliktit do ta “përzërë Vuçiçin në shesh” dhe do ta ekspozojë para ndërkombëtarëve si faktor përçarës.
