Deputeti i Partisë Socialiste, Vullnet Sinaj, mori pjesë në ceremoninë mortore të ish-kryeministrit Fatos Nano. Përmes një reagimi në rrjetet sociale, ai shprehu dhimbjen dhe respektin e tij për figurën e një prej personaliteteve më të rëndësishme të politikës shqiptare pas viteve ’90, duke vlerësuar kontributin e Nanos në demokratizimin dhe forcimin e shtetit shqiptar.
Reagimi i z. Sinaj:
Lamtumirë Fatos Nano!
Si themelues dhe drejtues i Partisë Socialiste , si kryeministër dhe intelektual me vizion europian, ai dha një kontribut të rëndësishëm në rrugën e demokratizimit dhe konsolidimit të shtetit shqiptar pas viteve të tranzicionit.
Fatos Nano do të kujtohet jo vetëm për rolin e tij politik, por edhe për kurajën, stilin e tij të veçantë dhe mendimin e lirë që shpesh sfidonte konformizmin e kohës.
Ngushëllimet më të sinqerta familjes, miqve dhe gjithë socialistëve që e kanë pasur udhëheqës dhe frymëzim.
U prehtë në paqe!
