Tirana po rifiton çdo ditë ngjyrat e gjelbërta falë punës së përkushtuar të duarartëve të Drejtorisë së Përgjithshme të Pastrim Gjelbërimit. Në Lulishten “Çajupi” janë mbjellë 160 pemë të reja, duke sjellë freski, hijeshi dhe një frymëmarrje të re për banorët e zonës.
Ky aksion është pjesë e një programi të gjerë për shtimin e sipërfaqeve të gjelbra në të gjithë kryeqytetin. Përmes kujdesit të vazhdueshëm të ekipeve të DPPGJ, Tirana po shndërrohet çdo ditë në një qytet më të pastër, më të gjallë dhe më të bukur për të gjithë.
