Duket se presidenti i SHBA Donald Trump ka dashur të “sqarohet” me homologun e tij francez Emmanuel Macron, lidhur me një episod ku përfshihej dhe kryeministri shqiptar Edi Rama.
Bëhet fjalë për momentin kur Rama zgjodhi të bënte shaka me lapsusin e Trump, i cili deklaronte se i kishte dhënë fund luftës mes Shqipërisë dhe Azerbajxhanit, duke ngatërruar vendin tonë me Armeninë.
“Daily Mail” shkruan se ditën e djeshme, në samitin e Gazës në Egjipt, sipas ekspertëve të leximit të buzëve është zbërthyer biseda mes Trump dhe Macron, duke zbuluar mes dy liderëve është folur pikërisht për këtë episod.
Biseda mes tyre:
Trump: Gëzohem shumë që të shoh! Pra ti je dakord?
Macron kthen kokën nga ana tjetër dhe i jep një përgjigje që nuk mund të lexohet.
Trump: Je i sinqertë?
Macron: Sigurisht.
Presidenti amerikan më pas i shtrëngoi fort dorën Macron-it përpara se të përgjigjej: Në rregull, tani dua të di pse më lëndove. E di tashmë. Po bëj paqe. Hajde tani. Unë lëndoj vetëm ata që lëndojnë të tjerët.
Macron: E kuptoj. Do ta shohim këtë.
Trump: Do ta shohësh çfarë do të ndodhë. Do të shihemi pas pak.
Shtrëngimi i duarve që zgjat gati gjysmë minute nuk është diçka e re për Macronin dhe Trumpin dhe njerëzit në mediat sociale ironizuan këtë “traditë”.
