Mbjellja e drurëve dekorativë vijon në rrugë dhe lulishte të qytetit. Plot 26 pemë të reja i janë shtuar gjelbërimit në rrugën “Skënder Luarasi” dhe përgjatë lumit të Tiranës, duke kontribuar në përmirësimin e mjedisit dhe cilësisë së ajrit.
Paralelisht me mbjelljet e reja, ekipet e Drejtorisë së Përgjithshme të Pastrimit dhe Gjelbërimit Bashkia Tiranë (DPPGJ) janë çdo ditë në terren për mirëmbajtjen e hapësirave të gjelbra. Punonjësit kujdesen për sistemimin dhe mirëmbajtjen e gjelbërimit në Bulevardin “Zogu I”, si dhe për pastrimin përgjatë hapësirës së gjelbër në zonën e Lanës.
Puna e përditshme në terren synon rritjen e sipërfaqeve të gjelbra dhe mbajtjen e tyre në kushte sa më të mira për qytetarët.
