Sot është shpallur “non grata” një ish-president.
Në listën e zezë të non gratave të DASH ka përfunduar tani edhe ish-Presidenti i Paraguait, Horacio Cartes, për “korrupsion domethënës” dhe “bllokim të hetimeve” ndërshtetërore.
“Ish-Presidenti Cartes pengoi një hetim madhor ndërkombëtar për krimin e organizuar me qëllimin të mbronte veten dhe të njohurit e tij kriminelë. Këto veprime konfirmuan përfshirjen e Cartes me organizatat e huaja terroriste dhe grupe të tjera të listuara nga Shtetet e Bashkuara”, thuhet në deklaratën e Sekretarit Amerikan të Shtetit, Antony Blinken.
Cartes vetë i hodhi poshtë akuzat, të cilat, përmes një postimi në Twitter, i quajti të pabazuara dhe të padrejta.
66-vjeçari është pronar i një kompanie duhani dhe drejtoi një perandori të mirëfilltë të shitjeve me pakicë teksa udhëhiqte vendin amerikano-jugor në periudhën e viteve 2013-2018. Ai besohet të jetë sot një prej njerëzve më të pasurve të Paraguait dhe shihej si kandidati më i mundshëm për të fituar zgjedhjet presidenciale që do të mbahen në muajin dhjetor. Në listën e zezë të SHBA-së kanë përfunduar edhe tre fëmijët e tij.
Kjo lëvizje e amerikanëve sipas burimeve, duket se do të jetë një kambanë alarmi për Ilir Metën, i cili nesër del nga zyra dhe bëhet ish-president. Nga ana tjetër zërat se ai do jetë shok i Berishës janë shtuar dhe me këtë lëvizje DASH po dëshmon fort se laku ndoshta po ngushtohet.