Gazetari i njohur, Rigels Seliman, me një emocion të thellë dhe të pakontrolluar, shpreh dhimbjen e tij të thellë për humbjen e nënës në këtë 8 Mars, ditën që simbolizon nderimin për të gjitha nënat. Në këtë ditë të veçantë, ai ndan ndjenjën e boshllëkut që ka lënë ajo, një boshllëk që nuk mund të mbushet kurrë. Me fjalë të ngrohta dhe plot mall, ai kujton dashurinë dhe forcën që nënës i ka dhënë gjatë jetës së tij. Një mesazh plot ndjenja dhe nderim, që pasqyron një lidhje të pakthyeshme mes një djali dhe nënës së tij të paharruar.
Ja reagimi i plotë i Z. Rigels Seliman:
“Për ty, nënë, në këtë 8 Mars të parë pa ty!”
Sa dhimbje dhe mall ndiej sot, nënë! Është 8 Marsi i parë pa ty, dhe zemra ime është e mbushur me një boshllëk të thellë që askush dhe asgjë nuk mund ta mbushë. Sot, si çdo vit, do të doja të të përqafoja, të të dhuroja një tufë lulesh, të të shihja teksa buzëqesh, por këtë herë, gjithçka është ndryshe… Ti nuk je më këtu, por unë e di që shpirti yt është pranë meje.
Nënë e shtrenjtë, festo me engjëjt sot, ashtu siç e meriton, me dritën dhe dashurinë që gjithmonë ke përhapur rreth vetes. Ti ishe zemra e shtëpisë sonë, forca jonë, frymëzimi ynë. Na mësove si të duam, si të sakrifikojmë, si të buzëqeshim edhe kur jeta na vinte në provë. Dhe tani, pa ty, ndiej se bota ka humbur ngjyrat e saj.
Sa herë mbyll sytë, të shoh në ëndrra. Dëgjoj zërin tënd që më përkëdhel si dikur, ndiej duart e tua që më japin forcë. E di që një ditë do të bashkohemi sërish, sepse jeta është vetëm një udhëtim i shkurtër dhe shpirtrat tanë do të gjejnë njëri-tjetrin përjetësisht.
Më mungon, nënë… Më mungon çdo ditë, çdo çast, çdo frymëmarrje. Do të të dua përjetësisht! Gëzuar 8 Marsin atje lart, mes dritës dhe dashurisë hyjnore! 😭🌷💔😭🌹
