“Ju jap fjalën e burrit kryeministër, do të përmbush detyrën me integritet”, kjo ishte zotimi që Kryeinspektori i Përgjithshëm apo ish-deputeti i PD-së Dashnor Sula i bëri kryeministrit Edi Rama në takimin me të gjithë inspektorët e vendit. Pas largimit nga Partia Demokratike në zgjedhjet e 11 majit, ose siç thotë Sula, “pasi të vetët e hodhën në rrugë”, ai u emërua Kryeinspektor i Përgjithshëm.
Kryeministri Edi Rama ndau problemet që has sot institucioni i Inspektorit të Përgjithshëm, duke kërkuar ngritjen e një sistemi efikast dhe të digjitalizuar deri tek hartimi i një plani pune dhe tek drejtimi i duhur.
“Unë gjithmonë kam besuar se sistemi dhe përmirësimi është përgjigjja. Mund të ndërrojmë të gjithë njerëzit, po qe se sistemi nuk është i strukturuar si duhet dhe po qe se drejtimi nuk është i duhuri, përsëri biem në të njëjtat situata”, tha Rama.
