Presidenti Bajram Begaj së fundmi ka thirrur partitë politike për t’u konsultuar për zgjedhjet e ardhshme lokale. Burime për mediat bëjnë me dije se kreu i shtetit ka zgjedhur datën 30 tetor 2026 për të zhvilluar konsultimet e para, takim i cili mësohet se do të zhvillohet në Pallatin e Brigadave.
Sakaq bëhet me dije se ftesa u është bërë të gjitha partive politike të cilët kanë deputetë përfaqësues në Parlament.
Zgjedhjet lokale pritet të zhvillohen në një nga të dielat e para të majit 2027, pasi presidenti i vendit të bëjë dekretimin zyrtar, që pritet të ndodhë më 7 nëntor.
