Falë rikonstruksionit të ambienteve të tij, Komisariati i Policisë nr 4 në Tiranë ofron tashmë kushte më të mira për qytetarët dhe administratën. Media “Zeri i Lirise” inspektoi ambientet e rikonstruktuar, teksa shihet se kemi një godinë totalisht të rinovuar, e cila shërben si një nga komisariatet model të kryeqytetit. Cilësia e shërbimit është e përmirësuar, por edhe kushtet në të cilat ofrohet shërbimi janë përmirësuar ndjeshëm, qysh kur ne krye të Komisariatit numër 4 në Tiranë ka ardhur Kryekomisar Petrit Hala, i cili bëri me dije gjatë një prononcimi për “Zerin e Lirise” se vlera e investimit bashkëkohor në ambientet e jashtme dhe të brendshme të godinës u sponsorizua nga Bashkia e Tiranës. Madje, gjatë një vështrimi që bëri gazeta, falë këtij rikonstruksioni dhe vendosjes së tabelave përreth godinës së Komisariatit nr 4, edhe banorët dhe qytetarët që jetojnë aty pranë janë shumë të kënaqur, për shkak se deri para pak ditësh aty përqark parkoheshin makina kuturu, duke u shkaktuar stres qytetarëve. Kështu që me rikonstruksionin e ambienteve të tij, Komisariati i Policisë nr 4 në Tiranë, tashmë quhet i rilindur totalisht dhe padyshim që merita kryesore i takon kryekomisar Petrit Halës, i cili është një drejtues model dhe tejet profesionist. Më poshtë po ndajmë për lexuesin dhe audiencën disa foto se si ka qenë dhe si u shndërrua falë Rikonstruktimit Komisariati i Policisë nr 4 në Tiranë.
Pamjet si ka qenë:
Pamjet e reja si u transformua godina:
