Operatorë turistikë, guida dhe gazetarë morën pjesë këtë javë në turin e organizuar në objektet e trashëgimisë kulturore në Kavajë dhe në punishtet e artizanëve vendas. Qëllimi i turit të organizuar nga Help në Shqipëri, në bashkëpunim me Fondacionin Gjirokastra dhe Go2Albania, ishte përfshirja e këtyre vendeve në hartën e operatorëve dhe guidave turistike në Shqipëri. Help në Shqipëri dhe Fondacioni Gjirokastra – GCDO po zbatojnë projektin e artizanatit tradicional në Kavajë në kuadër të programit EU4Culture Albania, me financim të Bashkimit Europian, zbatuar nga UNOPS Albania, në bashkëpunim me Ministria e Kulturës.
