Nga Mustafa Nano
Si shumë të tjerë, kam plot arsye për të qenë kundër Edi Ramës. Madje, e kam thënë më shumë se një herë gjatë javëve të fundit se koha e Ramës ka mbaruar.
Ai nuk i duhet më askujt.
Ai është problemi, e jo zgjidhja.
U kuptuam? Besoj se po.
Por – ka një “por” të madh në këtë mes – ndërroj mendje e pendohem për çdo kritikë ndaj Ramës me t’m’u shfaqur para syve Berisha e berishianët.
Këta të fundit janë kaq barbarë e kaq jashtë kohe sa, përballë tyre, Rama më duket lule.
Janë vetëm ata që më kallin në kokë idenë idiote e të pacipë se “jemi me fat që kemi në krye Edi Ramën.”
