Ekipet e Sektorit të Mobilimit Urban në Drejtorinë e Përgjithshme të Pastrimit dhe Gjelbërimit vijojnë çdo ditë punën në terren për riparimin, mirëmbajtjen dhe lyerjen e objekteve të mobilimit urban, duke garantuar hapësira publike më të sigurta, funksionale dhe estetike për qytetarët.
Në rrugën “Hysen Xhura”, Njësia Administrative Nr. 4, u realizua riparimi dhe lyerja e stolave dekorativë, si pjesë e ndërhyrjeve të vazhdueshme për mirëmbajtjen e infrastrukturës urbane dhe përmirësimin e cilësisë së mjediseve publike.
Puna e përditshme e ekipeve të DPPGJ-së është një angazhim i vazhdueshëm për të ruajtur dhe përmirësuar asetet publike në çdo lagje të Tiranës.
Mirënjohje për duarartët tanë, të cilët me përkushtim dhe profesionalizëm kujdesen çdo ditë për qytetin.
