Gazetarët e “The Times of Albania” udhëtuan këtë javë në Qarkun e Korçës për të parë nga afër dinamikën politike që po përgatit terrenin për zgjedhjet e 11 majit. Aty, beteja mes tre grave brenda Partisë Socialiste – Vinjola Rota, Eni Zake dhe Besa Spaho duket se ka marrë ngjyrime intense, por është Rota ajo që ka dalë fituese në sondazhet e terrenit.
Në qytetin e Korçës dhe në fshatrat përreth, banorët shprehen me entuziazëm për modelin e ri të lidershipit që përfaqëson Vinjola Rota. “Ajo ka qenë gjithmonë me ne, duke dëgjuar problemet tona dhe duke sjellë ide konkrete për zgjidhje,” thotë Adela nga qyteti i Korçës lagjia 10. “Me një fjalë të thjeshtë, ajo është një nga ne” – shton më tej 56-vjeçari Agroni, bujk nga Voskopojë.
Një tjetër qytetare, Ermira, banore e fshatit Dardhë, vë në dukje energjinë e re që ka sjellë Rota: “Në 20 vjet jetë politike nuk kam parë dikë kaq të përkushtuar për arsimin dhe kulturën tonë lokale. Ajo tha se do të ringrejë bibliotekën e fshatit, dhe kjo na bindi menjëherë.”
Fusha elektorale ka qenë e ngarkuar edhe me takime të vogla, ku Rota ka zgjedhur të flasë nga strehëzat e fshatit, tregjet lokale dhe palestrat e komunitetit. Madje, disa gra të reja të të intervistuara në qytetet si Pogradeci dhe Bilishti, e cilësojnë zonjën Rota si “inspirim” për gjeneratën e ardhshme të politikës.
Edhe sondazhet e rrjetit social “ The Times of Albania” janë në favor të Rotës, me 50% mbështetje, ndërsa Zaka dhe Spaho luhaten rreth 30% dhe 20%. “Ka diçka tek ajo që na bën të mendojmë se fitorja është e sigurt,” thotë Elda, studente pranë Universitetit “Fan S. Noli”.
Ndërkohë në fund të reportazhit, qytetarët insistojnë se vota e 11 majit nuk është vetëm për një emër, por për një stil të ri qeverisjeje. “Duam politikë shërbimi, jo pushtet për pushtet,” përmbledh argumentin e shumicës një fermer i ri nga Leskoviku, duke shtrënguar dorën e gazetarëve të The Times of Albania.
Megjithatë e gjithë kjo dhe kur jemi vetëm 6 ditë nga zgjedhjet, tregon se zonja Vinjola Rota ka sprintuar përpara, dhe pse pjesa më e rëndësishme e garës është ende për t’u luajtur. Nëse ajo do të mbajë ritmin, 11 maji mund t’i sjellë një fitore historike – jo vetëm për zonjën Rota, por edhe për modelin e ri politik që ajo përfaqëson.
