Berisha thirrje të rinjve: Më 7 korrik të zbresim në shesh për të rrëzuar monizmin e Ramës,misioni i PD të shpëtojë Shqipërinë

Ish-kryeministri Sali Berisha ka zhvilluar pasdite e djeshme një bashkëbisedim me Forumin Rinor të Partisë Demokratike. Gjatë fjalës së tij, Berisha tha se më datë 7 korrik do të dalë në protestë me qëllimin e vetëm për të rrëzuar qeverinë e Ramës dhe për të dalë nga monizmi.”Zbresim më 7 korrik në shesh. Zbres me qëllimin më të vendosur për të filluar një stinë të re në betejën e tyre për të dalë nga monizmi, në rrafshin politik. Monizmi e liria, monizmi dhe demokracia janë të papajtueshme me njëra-tjetrën. Monizmi nuk pranon lirinë, nuk pranon demokracinë. Ky zotëri që sot qeveris duke vjedhur me firmat e tij, me mafien e tij po iu ofron ju vetëm kanabisin, paratë e krimit, si shkëmbim për mohimin e votës, për mohimin e lirive”, deklaroi ai. më tej kryedemokrati Sali Berisha u shpreh gjatë takimit me FRPD, se të rinjtë janë në krye të misionit të Partisë Demokratike për të shpëtuar Shqipërinë. Berisha ftoi çdo të ri t’i bashkohet lëvizjes së madhe për të shpëtuar vendin në këto kohë kritike.“Nëse PD ka një mision së bashku me forcat e tjera opozitare shpëtimin e Shqipërisë në këto kohëra kritike për të, në krye të këtij misioni qëndron FRPD, qëndrojnë të rinjtë opozitarë. Të bashkohemi në një lëvizje të madhe. Duhet t’u rikthejë liritë e vërteta shqiptarëve”,nënvizoi ai. NdërkohëBerisha u shpreh bashkëbisedimin me FRPD, se dy ishin faktorët që shuanin revoltat qytetare. Berisha fajëson opozitën se nuk mbushi sheshin as kur u vra i riu Klodian Rasha, nga plumbat e policisë.Kreu demokrat bëri përgjegjëse opozitën për dështimin e protestës së Astirit dhe Teatrit Kombëtar. Berisha përmendi edhe një faktor të tretë, atë të grupeve të shoqërisë civile që nuk donin të politizonin kauzat për të cilat protestonin. Ai tha se opozita do të protestojë gjithnjë, ndërsa grupet shoqërore dhe organizatat e ndryshme, janë të ftuara të marrin pjesë.