Ditën e sotme kanë bërë ndryshime në kabinetit qeveritar, në nivel zëvendësministrash, konkretisht në Ministrinë e Bujqësisë dhe Ekonomisë.
Tana Kika është emëruar zëvendësministre e Bujqësisë dhe Zhvillimit Rural. Emërimi i saj vjen në një moment kur sektori i bujqësisë mbetet një nga prioritetet kryesore të qeverisë, veçanërisht në drejtim të zhvillimit rural, mbështetjes së fermerëve dhe rritjes së investimeve në këtë sektor.
Kush është Prof. Asoc. Dr. Tana Shtylla Kika?
Prof. Asoc. Dr. Tana Shtylla Kika është akademike dhe eksperte me 23 vite eksperiencë profesionale në veterinari, siguri ushqimore dhe shëndet publik veterinar.
E lindur në Tiranë, 25 Maj 1980, është diplomuar me Medalje të Artë në Mjekësi Veterinare në Universitetin Bujqësor të Tiranës në vitin 2003 dhe pjesë e Alumni Ekselencës Shqiptare për studimet e Doktoraturës jashtë vendit, në vitet 2008 – 2009, ajo ka një kontribut të spikatur në shkencat e veterinare.
Për disa vite ka mbajtur pozicionin e Këshilltares së Ministrit të Bujqësisë dhe Zhvillimit Rural për çështjet e veterinarisë dhe sigurisë ushqimore në kuadër të politikave dhe përafrimit ligjor të Kapitullit 12-të të Bashkimit Europian, si dhe ka ushtruar detyrën e Drejtorit të Përgjithshëm AKVMB me kontribut në ngritjen dhe reformimin e Autoritetit Kombëtar të Veterinarisë dhe Mbrojtjes së Bimëve, duke udhëhequr proceset e zbatimit të legjislacionit dhe standardeve të BE-së.
Prof. Kika ka një përvojë të gjatë në bashkëpunimin me partnerë dhe institucione kombëtare e ndërkombëtare përmes trajnimeve, bursa e mësimdhënie në Itali, Francë dhe Izrael; ka drejtuar dhe ka qenë anëtare e konsulente e projekteve të financuara nga Qeveria Shqiptare, Qeveria Italiane, Bashkimi Europian, FAO, USAID dhe universitete europiane. Ajo numëron autorësi dhe bashkëautorësi në mbi 60 publikime në revista kombëtare e ndërkombëtare dhe në 30 referimime shkencore në shtete të ndryshme të Europës për fushën e veterinarisë dhe shëndetit publik veterinar.
Zotëron shumë mirë gjuhën angleze, franceze dhe italiane.
