Ambasadori rus në Londër, Andrei Kelin ka deklaruar se Mbretëria e Bashkuar është e përfshirë drejtpërdrejt në luftë me Rusinë.
Në një intervistë për Sky News, ai tha se Ukraina nuk do t’i bënte ballë luftës pa ndihmën e NATO-s dhe Britanisë.
“Britania tani është e përfshirë drejtpërdrejt në këtë luftë. Ky luftim nuk mund të ndodhë pa NATO-n dhe sendet britanike“, tha ai.
I pyetur për përdorimin nga Rusia të teknologjisë kineze, dronëve iranianë dhe trupave të Koresë së Veriut, ai u justifikua duke thënë se ka shumë mercenarë pjesë të ushtrisë së saj.
“Ne kemi shumë mercenarë nga vende të ndryshme që po luftojnë tani në anën e Ukrainës. Ne kemi parë në zonën e Kurskut njësinë polake, kështu që çfarë rëndësie ka?”, tha ai.
Komentet vijnë pasi raketat Storm Shadow të furnizuara nga Britania u përdorën në tokën ruse për herë të parë këtë javë.
