Kryeministri Edi Rama ka filluar të luajë me dy porta teksa mundohet t’i mbajë anën Kosovës, nuk lëshon dot as presidentin e Serbisë, Aleksandër Vuçiçin.
Gjatë fjalës së tij në Kuvend, Rama u shpreh se Vuçiçin e ka takuar dhe do të vazhdojë ta takojë sepse është në interesin e Shqipërisë dhe Kosovës që të jenë të angazhuar për paqen. Ai tha se Serbia e ka humbur luftën me Kosovën.
Rama u shpreh se roli i Shqipërisë është si pjesë e Evropës në Ballkan.
“Unë presidentin e Serbisë nuk e kam zgjedhur dhe as e kemi zgjedhur ne shqiptarët. Nuk besoj se po ti drejtojmë ndonjë ankesë ne ai do largojë serbët që aty. Ne jemi këtu, ata aty, e ardhmja është këtu dhe ç’kemi bërë në të shkuarën e dimë. Prandaj presidentin serb e kam takuar dhe do e takoj saher ta shoh të nevojshme sepse kështu i shërbej interesit të Shqipërisë dhe Kosovës.
Serbia e ka humbur luftën ndaj Kosovës dhe Shqipëria duhet të luajë një rol si pjesë e Evropës në Ballkan. Kosova duhet të ulet krah për krah me Shqipërinë në OKB. Këto po bën asgjë po bën, kush se kupton dot do e kuptojë për nesër”, tha Rama.
