Themeluesi dhe pronari i radiostacionit “Echo of Moscow”, i afërt me shumë kundërshtarë të Kremlinit, por edhe me sistemin: Në kokën e tij presidenti bën gjërat e duhura, me çdo çmim…
Aleksej Venediktov, themeluesi dhe pronari i radios “Echo of Moscow”, është mik i afërt me shumë kundërshtarë të Kremlinit, por edhe të sistemit. Venediktov është një gazetar rus, ish-kryeredaktor si dhe botues i revistës “Diletant”.
Gazetari rus rrëfen biseda me presidentin Vladimir Putin, nga lufta me Ukrainën deri te vdekja e Navalnyt.
“Në vitin 2009, ai më kërkoi të shkoja tek ai në Soçi. Dy orë e gjysmë bisedë dhe tre shishe verë të bardhë. Papritur, nga hiçi, ai fillon të flasë për Krimenë. Më pas e pyes: Të shkojmë në luftë edhe me Ukrainën? Ai përgjigjet: Kurrë. Por më pas ai shton: shihni Alyosha, nuk është historikisht e drejtë që Krimea të mbetet me ta. Nëse ndodh diçka dhe ai rajon bie nga duart e ukrainasve, do ta marr. Menjëherë pas pushtimit të vitit 2014, shkoj në Kremlin për drekë. Ai më thotë: pra, a jeni dakord me mua? Jo, përgjigjem unë, ka pasur një traktat ndërkombëtar për t’u respektuar me Kievin. Ndërsa ai thotë: por nuk ka rëndësi, sepse është historikisht e drejtë që Krimea është pjesë e Rusisë ndërsa shtoi se nëse diçka është në rregull, unë e bëj. Atë ditë, e dija se ai nuk do të ndalonte. Dhe se ne vërtet do të kishim shkuar në luftë me Ukrainën”, tregon gazetari.
Ai po darkonte në Antinori të Moskës mes biznesmenëve dhe politikanëve. Kishte veshur një kapuç bejsbolli dhe një bluzë me fjalën FBI të shkruar në të. I fundit, teksa kalonte nëpër Paris, kishte veshur një xhup me simbolin e Shtëpisë Lannister, të Game of Thrones. Në murin pas tavolinës së zyrës së tij në kryeqytetin rus ka dy foto. Një Winston Churchill dhe disidenti sovjetik Vladimir Vissotsky. Siç mund ta keni kuptuar tashmë, 68-vjeçari Aleksej Venediktov, themelues dhe pronar i radios Eco në Moskë ka pas vetes shumë njerëz dhe kjo shkakton kontradikta.
Në vitet ’90 ai tregoi nëpërmjet radios së tij përmbysjet e asaj periudhe. Ai është mik me shumë kundërshtarë të Kremlinit. Por është gjithashtu pjesë e sistemit. Duke qenë shumë popullor, ai foli për fushatën e dixhitalizimit të votimit në zgjedhjet e Moskës 2013, ku sipas opozitës solli penalizimin e një prej ish-redaktorëve të tij, Alexei Navalny. Në mars të vitit 2022 ai u shpall agjent i huaj pasi ishte kundër luftës. Megjithatë, vazhdon të bëjë transmetimet e tij online, të jetë një nga të paktët rusë që mund të vijë e të shkojë si të dojë nga Parisi dhe Londra, kudo.
“Kam një mik në Kremlin dhe shumë miq në burg. Unë flas me të gjithë, kjo është filozofia ime”, shprehet gazetari.
“Ai” është në fakt Vladimir Putin, me të cilin Venediktov ka pasur gjithmonë një marrëdhënie personale. Kjo është ndoshta arsyeja e statusit të tij, në mos aq të paprekshëm. Por një gjë është e sigurt. Ai e njeh shumë mirë Putinin.
“Ne folëm disa ditë para 24 shkurtit 2022. Vladimir Vladimirovic, çfarë do të bësh? Si do të jetojmë më pas? Për çfarë iu interesojnë kilometrat katrore të Donbasit, në Siberi kemi sa te duam. Putin i ishte përgjigjur duke i thënë se “do të bënte atë që mendonte se ishte më e drejtë”, tregon gazetari.
Meqenëse ndoshta një fazë e re po vjen në tragjedinë ukrainase, Venediktov është personi i duhur për të kuptuar se sa shumë do të jetë i gatshëm të ulet Putin në një tryezë bisedimesh të thirrur nga miku i tij Donald Trump.
“Putin është një kalkulator shumë i ftohtë. Ai kupton pasojat e veprimeve të tij, jo fjalët. Vlerësoni faktet. Ndonjëherë bie ndesh me vetveten, por vetëm në skenën ndërkombëtare. Në frontin e brendshëm, Putin e di se duhet të jetë solid. Kursk do të rimarrë, Donbass dhe Krimea do të mbahet. Për këtë, ai është i pari që e di se nuk mund të përballojë asnjë lëshim. Deri tani, sipas meje ka shkuar shumë larg. Me Trump apo pa Trump”, shprehet miku i Putin.
Por sipas tij, ata që parashikojnë skenarë apokaliptikë e kanë gabim.
“Ai mund të provokojë, mund të bëjë gabime, mund t’i bëjë njerëzit e tij të thonë se do të sulmojë Parisin, di ti bëjë mirë llogaritë. Në mënyrën e tij, ai është një njeri racional. Në kokën e tij, ai bën gjërat e duhura. Me çdo çmim. Nëse ka po aq vdekje ruse sa në Ukrainë, por kjo është për një kauzë të drejtë, sigurisht që nuk ndalet për shkak të kësaj. Dhe Putin nuk do ta bëjë këtë as për Trump”, vijon Aleksej Venediktov.
Venediktov është i bindur se tani nuk do të ketë më kthim. Dhe se në lamtumirën e vendit të tij me Perëndimin, edhe Europa mban një pjesë të fajit. Ai rrëfen bisedën me Putin për vdekjen e Navalnyt.
“Navalny më sulmoi, por unë jo. Ai nuk ishte politikan, nuk dinte shumë nga kjo fushë. I thashë të mos kthehej në Rusi, sepse do të vdiste në burg. Ai ishte një person i ndershëm, që dëgjonte njerëzit e gabuar, njerëz që donin të zinin vendin e tij. Gjithmonë kishte këshilltarë të këqij. Në takimin e fundit që pata me Putinin, pak pas fillimit të luftës, i bëra pyetjen. Çfarë rreziku paraqet Navalny për Rusinë, zoti President? Ai m’u përgjigj se ky zotëri, sepse nuk pranoi ta thërriste me emër, edhe pse nuk ishte spiun, po manipulohej nga shërbimet amerikane dhe se nuk do t’i jepnin kurrë falje, pasi sapo të dilte do të vazhdonin të korruptojnë rininë ruse. Ai më tha, Alyosha, a e kupton se kjo nuk është e drejtë? Kështu funksionon koka e Putinit”, tha gazetari.
