Fitorja e zgjedhjeve presidenciale nga Donald Trump, ka ndryhsuar tërësisht qasjen e shtetit dhe drejtësisë ndaj tij. Sipas NBC News, zyrtarët në Departamentin e Drejtësisë po mendojnë se si të mbyllin dy çështje penale kundër Donald Trump.
Duke cituar dy persona të njohur me këtë çështje, NBC News raporton se departamenti ka arritur ne faktin se asnjë gjyq nuk është i mundur së shpejti, as në rastin e kryengritjes së 6 janarit, as në akuzat se ai mori dokumente të klasifikuara nga Shtëpia e Bardhë.
Çështja në lidhje me dokumentet e klasifikuara u hodh poshtë nga një gjyqtar në korrik, por tani i është nënshtruar një apeli.
Të dyja këto çështje federale – që do të thotë se ato përfshijnë qeverinë qendrore dhe jo një dhomë shtetërore – ka të ngjarë të përballen me apelime deri në Gjykatën e Lartë.
Por zyrtarët tani po kërkojnë të respektojnë politikën e kahershme që një president në detyrë nuk mund të ndiqet penalisht, raporton NBC.
Burimet thanë se shumë pyetje mbeten pa përgjigje. A mund të rifillojnë çështjet pasi Trump të largohet nga detyra? Çfarë ndodh me provat? Po dy të pandehurit e tjerë të akuzuar për ndihmën e Trumpit për të fshehur dokumentet e klasifikuara?
Ekipi ligjor i Trump po përpiqet gjithashtu të zgjidhë të gjitha rastet e pazgjidhura kundër tij përfshirë akuzën që ai u përpoq të ndërhynte në Xhorxhia gjatë zgjedhjeve të 2020.
Ai u bë ish-presidenti i parë i SHBA që u dënua penalisht në maj, kur një juri në Nju Jork ra dakord unanimisht se ai ishte fajtor për 34 akuza për falsifikimin e të dhënave të biznesit për të kryer mashtrime zgjedhore.
Një seancë dëgjimore është caktuar për 26 nëntor, por qëllimi i menjëhershëm për ekipin e Trump është që ajo të shtyhet për një kohë të pacaktuar ose të shkarkohet.
